阿詩、小株、大肥唔得閒，全部都要陪仔，使唔使咁岩呀你一個二個!!!!!
搞到我今日要自己一個去皇室纖形，好鬼無癮lo，平時我們幾個嘈到死，今日無人同我講野，悶悶的，唉無拍拖就係咁~~><
推推下脂我訓著左，都係個阿姐叫返醒我，睇黎今日真係好攰，個阿姐問我係咪做野好辛苦，我心諗：「香港地邊個做野唔辛苦」，本來都廢事理佢，不過講下講下，知道佢原來假日都要放11:00，有時仲要幫同事頂埋班，問佢點解繼續做，佢笑笑口咁話:「都要做架，無得理得咁多」，無啦啦醒起當奴個句:「我要做好呢份工」。
返到屋企，望下電話，一個來電都無。循例式上磅磅下，咦，輕左d wo，睇黎我都要做好呢份工，減肥呀講梗~~~~ 好眼訓，下次再寫~